Emilia Hilaria
| Biografía | |
|---|---|
| Nacemento | c. 300 (Gregoriano)  Mosela, Francia |
| Morte | c. 363 (Gregoriano) (62/63 anos) |
| Actividade | |
| Ocupación | médica, xinecóloga |
| Período de tempo | Baixo Imperio Romano |
| Familia | |
| Irmáns | Aemilius Magnus Arborius |
| Descrito pola fonte | Paulys Realenzyklopädie der klassischen Altertumswissenschaft Parentalia (Ausonius) (en)  |
Emilia Hilaria (en latín, Aemilia Hilaria), nada arredor de 300 e finada arredor de 363,[1] foi unha médica galorromana. Practicou a medicina e escribiu libros sobre xinecoloxía e obstetricia. Era chamada "Hilaria" debido á súa alegría infantil.[2]
Traxectoria
[editar | editar a fonte]Emilia naceu no Imperio Romano nunha área preto do que é agora Mosela, Francia. Creceu na zona e converteuse en médica alí.[1] Emilia era a tía materna de Ausonio, un galorromano que se converteu en titor do emperador Graciano o Mozo. Ausonio escribiu unha serie de poemas biográficos sobre os membros da súa familia, incluíndo Emilia, chamado Parentalia.[3] No seu poema sobre a súa tía describiuna como unha "virxe dedicada", que rexeitou o matrimonio para continuar a súa carreira. Describiuna como «adestrada nas artes médicas tan ben como calquera home»,[4] así como unha médica honesta e hábil, que tamén axudou o seu irmán cos seus propios estudos de medicina.[1]
Na cultura popular
[editar | editar a fonte]Emilia é unha das mulleres destacadas incluída na peza de instalación The Dinner Party de Judy Chicago, sendo representada como un dos 999 nomes no Heritage Floor.[5]
Notas
[editar | editar a fonte]- ↑ 1,0 1,1 1,2 Ogilvie, Marilyn Bailey (2000). The biographical dictionary of women in science: pioneering lives from ancient times to the mid-20th century (en inglés). Taylor & Francis. p. 11. ISBN 978-0-415-92038-4.
- ↑ Gardner, Jane F. (1991). Women in Roman Law and Society (1st ed.). Indiana University Press. p. 182. ISBN 0-253-20635-9.
- ↑ Decimus Magnus, Ausonius (1886). Rudolfus Peiper., ed. Opuscula. Part 3, Domestica, 33. Leipzig.
- ↑ Furst, Lilian R. (1999). Women Healers and Physicians: Climbing a Long Hill. Lexington: University Press of Kentucky. p. 144. ISBN 0-8131-0954-X.
- ↑ "Aemilia". Elizabeth A. Sackler Center for Feminist Art: The Dinner Party: Heritage Floor. Brooklyn Museum. 2007. Consultado o 16 December 2011.
Véxase tamén
[editar | editar a fonte]Bibliografía
[editar | editar a fonte]- Hurd-Meade, Kate Campbell (1938). A History of Women in Medicine. Haddam Press; First edition.